「80後女偵探高調查案」（FACE）
2012-09-11
《福爾摩斯》、《金田一》、《名偵探柯南》等偵探故事，總是由男性主導，然而 26歲的文顯楠雖為女兒身，卻自小學時期，已跟任職偵探的世叔伯四出查案，大學畢業即投身偵探界，更於4年前開設全港首間全女班偵探社，並大膽地高調宣傳及招聘，顛覆傳統偵探社神秘形象，近年看準年輕人援交及吸毒問題，推出為家長調查子女的專門服務，吸納不少家長客，年接3百宗相關個案，成功在業內打響名堂。
記者曾兩度訪問過偵探行業，印象中，偵探社均是燈光昏暗、雜亂無章，但走進宏智國際顧問調查公司，卻是燈火通明，接待記者的，也非彪形大漢，而是身穿連身制服裙的女職員，令記者大感意外。「我哋就係想打破傳統偵探社嘅形象，唔想啲人覺得偵探社咁偏門同神秘。」一身西裝打扮的文顯楠，不單要打破偵探固有形象，更首創全女班團隊，「女仔做嘢仲細心，能夠觀察到 target嘅細微表情變化、行路步伐等，猜測到佢下一步行動，而且啲人對女性嘅警戒性較低，又可以靠化妝、假髮等易容，容易接觸 target，暫時我哋都未失手過。」
全女班吸女性客
全女班另一個好處，就是能吸納到女性客，「而家佔 7成以上係女性客人，佢哋會鍾意同番女性溝通，亦方便講私隱，我哋都可以開解吓佢。」不過公司也有5%男性員工，主要是電腦部門及兼職，「有啲 job都需要搵男同事幫手，例如跟 target去桑拿等，女仔跟唔到入去。」
她又顛覆偵探社低調作風，經網站及媒體大肆宣傳，早前更大搞招聘會吸新血，把行業透明化，吸納更多客源。「我哋啲價錢都係明碼實價，講到明做幾多日、做啲咩收幾多錢，唔會好似其他公司咁海鮮價。」每單job視乎難度及需時，收費由數千至過萬元不等。
組專業顧問團互惠互利
她又懂得與專業人士合作，組成顧問團隊，包括律師、社工、心理學家、會計師等，提供一條龍服務，「如果我哋查出另一半有外遇，想要離婚、爭撫養權、贍養費，甚至心理輔導等，我哋都可以畀到專業意見佢。」這種合作關係，也間接令公司接到更多 job，「顧問團隊有啲 case需要搵偵探，例如有客人搵律師打離婚官司，律師就會轉介畀我哋，由我哋搜集呈堂證據。」
以往偵探社多查婚外情個案，但文顯楠卻察覺到現今青少年援交及吸毒等問題，成功開拓到另一新客源，就是家長客，「同教育界人士傾開，發現依家有好多年輕人援交同吸毒，所以諗到推出呢個服務，專門幫啲家長客調查仔女。」單是去年，已接到 298宗相關生意，佔了全公司近 2成業務，亦成功於業內打響名堂。
暑假化身小偵探
如此破格，全因為一段不愉快的經歷。自小沉迷推理及偵探故事的她，小五那年暑假，首次跟着當私家偵探的世叔伯查案，被這個刺激工作迷倒。「嗰時我好細個，只可以跟住 uncle匿喺跟蹤車上面，見到車入面有好多儀器，好似拍電影咁，已經覺得好刺激！」自此每年暑假，文顯楠都化身小偵探，跟着 uncle四出查案，「其實嗰時都係做茄喱啡咁，負責喺target身邊行行企企、扮吓睇報紙咁，觀察佢嘅行動。」
07年大學畢業後，雖然做過文員、侍應等工作，但仍未能忘懷偵探夢，偶然在勞工處看到偵探招聘廣告，即毅然應徵。「間偵探社喺砵蘭街舊樓，公司冇招牌，得幾十呎，周圍好黑，老細乜都冇問，畀張白紙要我寫低個人資料，跟住就叫我等通知。」數小時後她收到獲聘電話，上班後才知道全公司只得其一個員工，月薪僅 6,500元，「第一日返工，老細淨係畀張相同地址我，叫我去跟，咩都冇教我，令我個心沉一沉，後來先知原來老細都成日跟甩目標。」
跟蹤失敗決定自立
工作冇指引，更冇收工時間，文顯楠幾乎每日踩足 18個鐘，有時更要做通頂，令她甚為灰心，更試過一次失手，差點被攻擊。「嗰次做一單婚外情，老細叫我跟蹤個女人同佢嘅情夫，點知我跟到上火車，被佢哋發現咗，佢哋將我推跌落地，不停拉我頭髮，同搶我個袋，我瞓喺地下死命攬住個袋，保住部 DC，好彩最後有月台職員嚟解圍，先甩到身。」
失手後，老闆毫不關心，還要她繼續跟蹤，令她灰爆辭職，索性自組偵探社，為偵探行業起革命。「做偵探有一定危險性，為咗保障員工安全，我唔會接一啲犯法或者危險嘅 job，每次行動都以小組形式出動，或者行孖咇，每日只需輪流做 6至 8個鐘，唔使好似我以前咁，有開工冇收工。」
新人起薪點過萬
為求令偵探專業化，吸引更多人入行，除起薪點特高，單是見習調查員已有過萬人工外，還會有培訓及晉升機會，「我會資助啲員工去讀一啲技能提升嘅課程，例如法律知識、調解課程等，員工表現得好，可以有晉升，最高做到調查主任。」現時全公司有逾 80位員工，年齡由 16至 50歲不等，頗有規模。「當初我屋企人好反對我做偵探，覺得我大學畢業，點解要做呢啲工，所以我希望改變大眾對私家偵探嘅睇法，希望啲人唔會覺得做偵探冇前途。」
入行途徑？
文顯楠指出，一般偵探社多靠熟人介紹，及在勞工處或報紙的分類廣告刊登招聘廣告，大多為兼職，有 job才開工，時薪約$40至$50不等，而文顯楠則聘請大量全職及兼職員工，「好多偵探社會要求員工有車牌，方便開工，我哋就冇咁嘅要求，反而注重學歷方面，要係中學畢業，識得簡單英文，先容易同到客人溝通，另外個樣唔好太標奇立異，亦要捱得，同時對呢行有興趣，我哋對不同技能及年齡嘅人士都有需求，會視乎佢哋識咩而分配 job，例如佢哋叻打扮同 social，可派佢哋去多啲 ball場。」
偵探社多沒有明確晉升機會，但文顯楠卻設有明確的晉升階梯，希望令員工更有前景。
後記
當初文顯楠為尋刺激入行，但問到查案有何刺激經歷，她卻淡淡然：「講真，真係冇乜嘢難忘。」最難忘的，反而是客人本身，「好記得有個新移民太太，被有婚外情嘅丈夫經濟封鎖，佢冇乜錢，就嚟求我哋幫佢搵證據離婚，最後成功得到贍養費同 3個仔女嘅撫養權，佢為咗多謝我哋，每日早上 3點起身做粢飯豆漿畀我哋食。」說到此處，外表剛強的她，也流露出溫暖的笑意。
《福爾摩斯》、《金田一》、《名偵探柯南》等偵探故事，總是由男性主導，然而 26歲的文顯楠雖為女兒身，卻自小學時期，已跟任職偵探的世叔伯四出查案，大學畢業即投身偵探界，更於4年前開設全港首間全女班偵探社，並大膽地高調宣傳及招聘，顛覆傳統偵探社神秘形象，近年看準年輕人援交及吸毒問題，推出為家長調查子女的專門服務，吸納不少家長客，年接3百宗相關個案，成功在業內打響名堂。
記者曾兩度訪問過偵探行業，印象中，偵探社均是燈光昏暗、雜亂無章，但走進宏智國際顧問調查公司，卻是燈火通明，接待記者的，也非彪形大漢，而是身穿連身制服裙的女職員，令記者大感意外。「我哋就係想打破傳統偵探社嘅形象，唔想啲人覺得偵探社咁偏門同神秘。」一身西裝打扮的文顯楠，不單要打破偵探固有形象，更首創全女班團隊，「女仔做嘢仲細心，能夠觀察到 target嘅細微表情變化、行路步伐等，猜測到佢下一步行動，而且啲人對女性嘅警戒性較低，又可以靠化妝、假髮等易容，容易接觸 target，暫時我哋都未失手過。」
全女班吸女性客
全女班另一個好處，就是能吸納到女性客，「而家佔 7成以上係女性客人，佢哋會鍾意同番女性溝通，亦方便講私隱，我哋都可以開解吓佢。」不過公司也有5%男性員工，主要是電腦部門及兼職，「有啲 job都需要搵男同事幫手，例如跟 target去桑拿等，女仔跟唔到入去。」
她又顛覆偵探社低調作風，經網站及媒體大肆宣傳，早前更大搞招聘會吸新血，把行業透明化，吸納更多客源。「我哋啲價錢都係明碼實價，講到明做幾多日、做啲咩收幾多錢，唔會好似其他公司咁海鮮價。」每單job視乎難度及需時，收費由數千至過萬元不等。
組專業顧問團互惠互利
她又懂得與專業人士合作，組成顧問團隊，包括律師、社工、心理學家、會計師等，提供一條龍服務，「如果我哋查出另一半有外遇，想要離婚、爭撫養權、贍養費，甚至心理輔導等，我哋都可以畀到專業意見佢。」這種合作關係，也間接令公司接到更多 job，「顧問團隊有啲 case需要搵偵探，例如有客人搵律師打離婚官司，律師就會轉介畀我哋，由我哋搜集呈堂證據。」
以往偵探社多查婚外情個案，但文顯楠卻察覺到現今青少年援交及吸毒等問題，成功開拓到另一新客源，就是家長客，「同教育界人士傾開，發現依家有好多年輕人援交同吸毒，所以諗到推出呢個服務，專門幫啲家長客調查仔女。」單是去年，已接到 298宗相關生意，佔了全公司近 2成業務，亦成功於業內打響名堂。
暑假化身小偵探
如此破格，全因為一段不愉快的經歷。自小沉迷推理及偵探故事的她，小五那年暑假，首次跟着當私家偵探的世叔伯查案，被這個刺激工作迷倒。「嗰時我好細個，只可以跟住 uncle匿喺跟蹤車上面，見到車入面有好多儀器，好似拍電影咁，已經覺得好刺激！」自此每年暑假，文顯楠都化身小偵探，跟着 uncle四出查案，「其實嗰時都係做茄喱啡咁，負責喺target身邊行行企企、扮吓睇報紙咁，觀察佢嘅行動。」
07年大學畢業後，雖然做過文員、侍應等工作，但仍未能忘懷偵探夢，偶然在勞工處看到偵探招聘廣告，即毅然應徵。「間偵探社喺砵蘭街舊樓，公司冇招牌，得幾十呎，周圍好黑，老細乜都冇問，畀張白紙要我寫低個人資料，跟住就叫我等通知。」數小時後她收到獲聘電話，上班後才知道全公司只得其一個員工，月薪僅 6,500元，「第一日返工，老細淨係畀張相同地址我，叫我去跟，咩都冇教我，令我個心沉一沉，後來先知原來老細都成日跟甩目標。」
跟蹤失敗決定自立
工作冇指引，更冇收工時間，文顯楠幾乎每日踩足 18個鐘，有時更要做通頂，令她甚為灰心，更試過一次失手，差點被攻擊。「嗰次做一單婚外情，老細叫我跟蹤個女人同佢嘅情夫，點知我跟到上火車，被佢哋發現咗，佢哋將我推跌落地，不停拉我頭髮，同搶我個袋，我瞓喺地下死命攬住個袋，保住部 DC，好彩最後有月台職員嚟解圍，先甩到身。」
失手後，老闆毫不關心，還要她繼續跟蹤，令她灰爆辭職，索性自組偵探社，為偵探行業起革命。「做偵探有一定危險性，為咗保障員工安全，我唔會接一啲犯法或者危險嘅 job，每次行動都以小組形式出動，或者行孖咇，每日只需輪流做 6至 8個鐘，唔使好似我以前咁，有開工冇收工。」
新人起薪點過萬
為求令偵探專業化，吸引更多人入行，除起薪點特高，單是見習調查員已有過萬人工外，還會有培訓及晉升機會，「我會資助啲員工去讀一啲技能提升嘅課程，例如法律知識、調解課程等，員工表現得好，可以有晉升，最高做到調查主任。」現時全公司有逾 80位員工，年齡由 16至 50歲不等，頗有規模。「當初我屋企人好反對我做偵探，覺得我大學畢業，點解要做呢啲工，所以我希望改變大眾對私家偵探嘅睇法，希望啲人唔會覺得做偵探冇前途。」
入行途徑？
文顯楠指出，一般偵探社多靠熟人介紹，及在勞工處或報紙的分類廣告刊登招聘廣告，大多為兼職，有 job才開工，時薪約$40至$50不等，而文顯楠則聘請大量全職及兼職員工，「好多偵探社會要求員工有車牌，方便開工，我哋就冇咁嘅要求，反而注重學歷方面，要係中學畢業，識得簡單英文，先容易同到客人溝通，另外個樣唔好太標奇立異，亦要捱得，同時對呢行有興趣，我哋對不同技能及年齡嘅人士都有需求，會視乎佢哋識咩而分配 job，例如佢哋叻打扮同 social，可派佢哋去多啲 ball場。」
偵探社多沒有明確晉升機會，但文顯楠卻設有明確的晉升階梯，希望令員工更有前景。
後記
當初文顯楠為尋刺激入行，但問到查案有何刺激經歷，她卻淡淡然：「講真，真係冇乜嘢難忘。」最難忘的，反而是客人本身，「好記得有個新移民太太，被有婚外情嘅丈夫經濟封鎖，佢冇乜錢，就嚟求我哋幫佢搵證據離婚，最後成功得到贍養費同 3個仔女嘅撫養權，佢為咗多謝我哋，每日早上 3點起身做粢飯豆漿畀我哋食。」說到此處，外表剛強的她，也流露出溫暖的笑意。
