「1+1方程式」偵探看家庭（二）- 香港電台普通話台《新紫荊廣場》
2016-11-16
本公司創辦人文顯楠總監較早前接受香港電台普通話台《新紫荊廣場》節目「1＋1方程式」訪問，訪問內容提及從偵探角度看家庭問題。
更多內容
「1+1方程式」偵探看家庭（一）- 香港電台普通話台《新紫荊廣場》
2016-11-09
本公司創辦人文顯楠總監較早前接受香港電台普通話台《新紫荊廣場》節目「1＋1方程式」訪問，訪問內容提及從偵探角度看家庭問題。
更多內容
「偵探小說迷 實現查案夢」 -《招職》
2016-09-20
偵探故事滿是扣人心弦的情節，這個虛擬的時空存在着兩位神通廣大、警惡鋤奸的不死神探：西方有福爾摩斯，東方有柯南。他們的影響力除了鍛煉讀者的邏輯思維，還造就真實世界裡的聰明偵探！
偵探小說迷實現夢想
今年剛滿30歲的文顯楠 ( Philic )，從小已經是偵探故事小說迷，長大後要當偵探早已是她的志向。為了實現理想，仍在求學階段的她，已趁暑假跟隨叔叔查案。大學畢業後，她終於一償素願，加入一間偵探社工作。「雖然規模細小，接到的個案不多，但我很用心去做，並且視老闆為前輩，希望向對方學習；可是日子久了，開始明白以正義自居、鋤強扶弱的私家偵探其實良莠不齊！」
因此，文顯楠下定決心，誓要盡一己能力掃除行內歪風。取而代之，她希望該行專業化、系統化，透明度也要高！「我要做正義偵探，幫求助人解決問題。唯有這樣，始能實踐民間警察的使命。 」
一切從建立制度開始
文顯楠於2009年設立有規模的全女班私家偵探社 ── 宏智國際﹙全女班﹚調查顧問有限公司，以總監身份領導一班女偵探查案，打響「宏智女偵探」名堂，引入先進偵察儀器和運用專業偵察技術，網羅跟她志同道合的年輕人，把偵探社搞得有聲有色，更成為行內首間榮獲「ISO 9001:2008 國際品牌管理系統認證」的偵探公司。
文顯楠的成績有目共睹，公司業務蒸蒸日上，個人成就亦得到社會認同，包括獲城市女青年商會頒發「2013全港時尚專業女性選舉」獎項，實至名歸，也正如她說，獲獎證明「女人絕對有能力獨當一面」。
由幕前到幕後
對偵探來說，查案帶來的刺激誠然是一種享受；然而，私家偵探逗留在幕前一段時間後，往往因處理不同案件而曝光久了，就算期間有「易容」，最終可能被人認出，行內俗稱「個樣黃咗」！文顯楠也不例外，因而決定由幕前走到幕後，管好偵探社，搞好培訓，從另一個層面繼續編織她的偵探夢。
文顯楠處事作風既硬朗又嚴謹，從她招聘私家偵探的一絲不苟可見一斑。求職者要成功獲聘，先要過五關、斬六將，僅僅是面試已殊不簡單。第一輪面試以小組討論形式考時事題目，目的是測試溝通技巧、表達能力，以及個人的世界觀和價值觀。第二輪面試單對單進行，旨在對應徵者進行背景詬查和窺探對方是否操守嚴謹，然後考處境題。第三輪面試是模擬測試，考驗應徵者的臨場反應、冷靜能耐，以及思維是否合乎邏輯和夠清晰。
「成功獲聘後，他們要從Trainee﹙練習生﹚職級做起。至於何時始能勝任正式的私家偵探，則因人而異，一般來說需時至少半年或以上。 」文顯楠續說，宏智女偵探需要聘用的私家偵探不一定要是年輕人，佔多數反而是平均年齡在20至50歲之間，以應付不同案件的需要。雖說「全女班」，宏智亦有男性員工，又或因應案情需要騁用臨時男性調查員。
案情社會縮影
傳統來說，委託私家偵探調查的案件以「捉姦」和「騙案」佔多數；時至今天，求助個案五花八門，儼如社會縮影。據文顯楠說，現時處理的委託個案還包括追債、尋人、婚前「起底」，甚至是父母想追查子女有否吸毒和援交等。其他個案亦有工傷是否有欺詐成份、內地「打假」，以及受託以「神秘顧客」身份調查員工表現等。
談到入行條件，文顯楠提到兩點關鍵。第一：外表要比較平凡，太突出容易引人注意。第二：要具備清晰的邏輯思維、頭腦冷靜，以及懂得隨機應變。 」
《明愛暗戀偵探社》－壹週Plus 
2016-09-02
本公司創辦人文顯楠總監獲壹週刊邀請接受訪問，表示近年來香港父母偵查子女的情況愈來愈來越多，並分享其中一次深刻的案件和自己投身偵探行業的親身經歷。
（網上版）
《明愛暗戀偵探社》
全女班做賣點觀察力強造型百變利放蛇
《明愛暗戀偵探社》
上等家長搵人棒打鴛鴦 搞到個女有精神病
《明愛暗戀偵探社》－壹週刊
2016-09-01
文顯楠，三十歲。男仔頭的她，七年前創辦宏智偵探社，以「全女班」做賣點，因有感女仔細心又無殺傷力，容易親近目標，吸引家長幫襯搵她跟蹤子女有無學壞，令她見盡年輕人的「明愛、暗戀」經歷，更做埋輔導，但不是針對後生仔，而是家長。
我間偵探社，一開始同其他行家一樣，靠查偷情和商業案件為主。近幾年有啲唔同，要等、伏、跟嘅對象愈來愈細，連小學生都有。咩人連細路都唔放過？咪就係佢哋嘅老豆老母。
父母查仔女，不外乎懷疑佢哋吸毒、援交，想我哋跟蹤證實。而家啲交友app咁流行，小朋友想隨時識人好易，但一唔小心就遇上壞人，尤其喺暑假，所以我哋前排特別忙。不過，我接咁多單查仔女嘅case，發現好多時問題核心唔係細路，而係喺家長身上。
關心錯
有個中產家庭，父母係專業人士生活無憂，阿女要咩父母都盡量滿足她。但日忙夜忙嘅兩夫婦，突然發覺個女有啲唔妥：成日唔返屋企，又買多咗化妝品，沖涼又沖好耐，仲有大量不知名嘅人打電話搵佢，於是就請我哋睇吓佢個女發生咩事。
經過一輪跟蹤，我哋發現個女仔有個固定男朋友，屋邨仔一名，打緊份一般人眼中唔太高尚嘅職業，冇咩本事，身體又有毛病。結果個女仔唔單只瞞住爸媽，仲瞞埋男朋友，去援交，幫補兩個人嘅生活。正所謂「門不當戶不對」，佢父母當然唔鍾意個男仔，仲認定係佢令到個女「學壞」，沒收咗女兒電話，又去到邊跟到邊，仲試過鎖佢喺屋企，問我哋：「可唔可以幫手棒打鴛鴦？」
結果個女仔鬱到有精神病，要入醫院，而我哋當然冇出手拆散小情人。我哋觀察咗半年，見個男仔雖然唔叻、搵唔到錢，但對個女仔好真心，佢每日除咗返工，就係陪個女仔，仲每日親手煮嘢食俾留院嘅女友。反而個女仔同我哋扮朋友嘅臥底講，唔鍾意返屋企，因為細個見到表面係模範夫妻嘅父母各有外遇，所以唔信佢哋。佢寧願自己搵錢，留喺男朋友身邊，至少感覺有人可以信賴。
最後偵查變輔導，我哋從三方面入手，搵臥底結識男方、女方做朋友，又搵家庭輔導員同父母傾。一方面軟化個女，令佢明白父母嘅緊張；另一方面教父母用正確方法關心個女，最後關係總算慢慢好轉。
要獨立
其實，我阿爸阿媽以前咪又係由朝做到晚，唔得閒理我，但我諗番轉頭，反而慶幸當初有咁自由嘅時光。
阿媽係幼稚園主任，日日我未起身佢已經返到學校，佢放工返屋企我都差唔多瞓。阿爸自己做老闆，成日神龍見首不見尾。細個時真係對住工人多過佢哋。到後來我長大屋企無再請工人姐姐，得番我同細佬兩個。
我自細學識照顧自己，記得有次跌親入醫院，都係自己一個撐出院。父母唔係唔關心，但想你自己企番起身。屋企都算小康之家，但零用錢從來唔多，想多啲錢使就要靠自己，有年我連十六蚊一個鐘嘅洗碗暑期工都做。
我去廣州讀完大學英文系回港，遇上金融海嘯，見十幾份工都冇一份請。幾個月過去，淨係搭車、食飯都使晒啲零用錢。惟有死死哋氣，攤大手板問父母攞。最後，佢哋黑晒口面同我講：「呢五百蚊係我最後俾你嘅錢，用晒之後，無論將來點，一分一毫都唔會再俾。」
得五百蚊？我覺得無退路，惟有同自己講，無論咩工請我，都一定要去做。結果，就入咗一間私家偵探社，時薪得廿蚊。
到後來我同父母講想瞓身投入呢行，自己開公司，佢哋好反對，話我讀咁多書，使咩做啲咁嘅嘢，又不停叫朋友介紹「有前途又有錢途」嘅白領工俾我，我都當耳邊風。阿爸阿媽，我對呢行嘅興趣，其實都係因為你哋。
以前你哋返晒工唔理我時，我最鍾意就係去搵做偵探嘅uncle。有次佢出動，我就匿喺佢架van仔，聽佢啲行動代號、點補位行去幾點鐘方向，架車行咩路線衝唔衝燈。我就當自己做control centre，控制一切。
我嘅偵探初體驗，其實都係源自我阿爸阿媽。多謝你哋。
