女偵探專訪

2013-06-07

本公司創辦人文顯楠小姐於2013年6月7日有幸獲《有線電視》邀請接受《奇妙半小時：賺大錢》節目訪問。訪問內容關於了解各式各樣的隱閉式偷拍儀器及跟蹤技巧。

2013-06-06

少林功夫加唱歌跳舞你聽過，但女偵探加愛情顧問你聽過未？

全港首間，亦係唯一一間全女班私家偵探社的總監Philic說，她們表面上從事一般的商業調查，但其實暗啞底會為婚姻出現問題的夫婦作調解，挽救一段大好婚姻，甚至會幫委託人調查心儀對象背景，必要時充當他們的愛情顧問，出謀獻策助其抱得美人／美男歸。

「私家偵探唔一定要偷拍、捉姦、挖人瘡疤，
我哋想為Client嘅幸福出一分力，幫佢哋搵到絕頂愛情。」

情事偵緝檔案
Philic麾下的大愛密探全是女性，大概因為女人天生對感情嘅觸覺比較敏銳，而且對他人的愛情總是感同身受拔刀相助義不容辭。幾個小女子本著大愛精神，為委託人的兒女私情默默努力，得到的除了看著他們開花結果或破鏡重圓的滿足感，還有不少趣事。

最瘋狂個案
「有好多女Client恨嫁，但又怕嫁錯郎（狼），於是咪搵我哋去起一起對方個底囉！我哋試過跟到個目標人物落蘭桂芳，然後派出無敵性感迷人Pink Lady去Flirt下佢，睇下佢係咪專一同抵得住誘惑。」

最攞命裝備
「嗱，好似呢個Model F40咁樣，表面上係一條車匙，但你見到上面有層白金屬網膜，實際上……佢係一個偷聽器。

「你有所不知，作為一個優秀嘅偵探，能夠神不知鬼不覺咁偷聽男人心係好重要，至於呢隻錶，表面上係一隻錶，而實際上……佢真係一隻錶，問你死字？」

最難忘「Kai」人
「有次有個男Client話自己暗戀一個大公司女高層，想我哋幫手追佢喎，但我一望佢個樣，嘩！我心諗你同個女仔距離都差好遠啫！」

脫離單身小貼士
Philic見盡世間男女的悲歡離合、人情冷暖，問到一眾剩男剩如何才能告別單身，她道出以下警世良言：

「男嘅最忌著衫老土、儀容又污Wear、講嘢又冇自信……（下刪60萬字），同埋唔該真係唔好咁孤寒啦，約女仔出街食飯都AA制？開玩笑（標準普通話發音）！女嘅除咗談吐得體、有禮貌之外，一定要識煮飯，試過有Client話佢煮飯好叻，問多兩句先發現原來佢淨係識煮公仔麵，我心諗你係咪玩我呀姐姐！」

簡單嚟講，為咗你嘅終身幸福著想，港男唔好咁騎呢（見圖），港女就唔好咁……唔好咁港女囉唔該。

2013-05-31

本公司文顯楠總監於2013年5 月31日接受商台881903<<起來！大龍鳳！>>的訪問主持人王喜、何飛鳳、何基佑，訪問內容關於 第一集「私家偵探，究竟你在做甚麼？」第二集「你知道子女在外面幹甚麼嗎？­」

2013-05-22

本公司創辦人文顯楠小姐於2013年5月22日有幸獲 Now寬頻電視的Now TV 102觀星台直播節目《雙梁計》的邀請，和著名節目主持人梁榮忠先生、梁奕倫先生及陳俞希小姐(Hailey C)對談，在訪問中講解全女班偵探社的優勢，以及示範一些偵探儀器。

2013-05-14

本公司創辦人文顯楠小姐於2013年5月20日接受Ragazine網上電台《女人不壞》的訪問，內容是關於本港私家偵探行業的概況、工作內容及入行條件。